Вопрос по казахскому языку:

Келін сәлемінің мәні зор, мағынасы терең. Өз үйінен кетіп, түскен босағасына бірінші
рет кіргенде келін шаңыраққа үш қайтара сәлем салған. Жас келіннің екі жағында екі
жеңгесі, яғни сол шаңырақтың бұған дейінгі түскен келіндері үлкендерге иіліп сәлем
салғызған. Қайын енесі мен абысындары жас келінге әулеттегі үлкен адамдарды
таныстырып, сәлем салуды ескертіп, олардың алдынан кесіп өтпеуді қадағалап отырған.
Білмегенін үйретіп қамқорлық танытып жүрген. Беташар кезінде бір жағы - қазақ халқы
жеті санын киелі санағандықтан, бір жағы - қысқа да нұсқа етіп, ең қадірлі, ең сыйлы
деген адамдарға - ата-ене, қайын аға, қайын бикелерге, апа-жезделерге арнап жеті рет
сәлем салғызған. Өкінішке қарай, бүгінгі беташарда жас келін отыз-қырық адамға сәлем
салады. Жаңағы сансыз адамның аты аталып біткенше тойға жиналғандар да жалыға
бастайды. Әрі сонша адам өздерінің аттары атала сала беташатын өнерпаздың алдындағы
табаққа ақша тастауды дәстүрге айналдыра бастады. Ең ұнамайтыны сол, қазіргі кезде
жаңа түсіп жатқан келіннің сәлемін осылай сатып алып жүрміз. Біздің келін түсіру
тойларымызға осындай келеңсіз көрініс еніп барады.
44-сұрақ. Мәтіндегі «әулет» сөзінің синонимін табыңыз.
А. Отбасы
B. Қамқорлық
С. Келін
D. Өнер [1]

45-сұрақ. Мәтіндегі «шаңырақ» сөзінің мағынасы қай сөйлемде дұрыс
қолданылған?
А. Жас келіннің үйі
B. Жастардың отау үйі
С. Ата-ананың үйі
D. Аға жеңгенің үйі [2]
46-сұрақ. Авторға не ұнамады?
А. Келінге қамқорлық көрсетілуі
B. Келіннің отбасымен танысуы
С. Келіннің үлкендермен амандаспауы
D. Келін сәлемінің ақшаға сатылуы