Прама з лесу агрызкам алоўка брат напісаў маме ліст пра жыццё ў лагеры.

Калі я папрашу вас вызначыць у гэтым сказе склонавыя формы назоўнікаў, вы назавеце назоўны, родны, давальны, вінавальны, творны і месны. Разам шэсць склонавых формаў. З пункту гледжання сучаснай мовы менавіта так і ёсць. Аднак калі зірнуць на справу з пункту гледжання гісторыі мовы, то атрымаецца, што ў нашым сказе не шэсць, а восем склонавых формаў і кожная з іх ўжыта адзін раз. Выходзiць, разыходжанні паміж сучаснай мовай і мовай старажытных славян тычацца цяперашніх роднага і меснага склонаў.