Парадак фанетычнага разбору
У ВНУ 1. Запіс слова з дапамогай фанетычнай транскрыпцыі. 2. Падзел на склады, колькасць і тыпы складоў (прыкрыты ці непрыкрыты, адкрыты ці закрыты), націскны склад. 3. Тып націску (рухомы ці нерухомы). 4. Характарыстыка гукаў:
- галосных: а) паводле ўдзелу губ, месца пад’ёму языка, ступені пад’ёму языка; б) з улікам спосабу графічнага абазначэння;
- зычных: а) паводле ўдзелу голасу і шуму, спосабу ўтварэння, месца ўтварэння, цвёрдасці-мяккасці, працягласці (калі падоўжаны гук, адзначыць гэта); б) з улікам спосабу графічнага абазначэння. 5. Колькасць гукаў і літар. У школе 1. Арфаграфічнае напісанне слова. 2. Колькасць складоў, месца націску (націскны склад). 3. Характарыстыка гукаў: галосны (якой літарай абазначаны), зычны (звонкі ці глухі, цвёрды, зацвярдзелы ці мяккі, свісцячы ці шыпячы; якой літарай абазначаны). 4. Колькасць гукаў і літар.